Hoxe é Mércores 28 de Outubro de 2020

EU amosa a súa disposición a negociar con AER un espazo común sen renunciar ás siglas propias

RR_Noticias

O coordinador comarcal e secretario de organización de Esquerda Unida en Galicia Rubén Pérez, nega rotundamente que a asemblea local en Redondela cesara na súa actividade tal e como anunciara Roberto Villar, cabeza visible da formación ata o pasado luns cando presentou a súa renuncia alegando falta de entendemento coa executiva nacional. Explica Pérez que só se produciu a baixa de tres militantes que abandonaron o partido “por intereses persoais” e que a formación seguirá funcionando no noso concello cunha xunta xestora.

De cara aos comicios municipais de maio EU anuncia que vai estar presente coas súas siglas, aínda que descoñece si o farán reeditando o pacto de AGE, tal e como se está a facer no resto de Galicia, ou a través dunha candidatura de unidade popular. Entende que esta fórmula podería dar resposta a unha situación tan particular como a que se presenta no concello de Redondela. En todo caso, serían os seus militantes os quen terían a última palabra. Ata chegar a ese momento será unha xestora a que pilote o proceso, un proceso que inclúe tamén abrir unha vía de negociación con AER. Segundo explicou Rubén Pérez “a executiva nacional de Esquerda Unida vai solicitar de forma inmediata unha xuntanza coa Agrupación de electores para falar de xeito construtivo dun posible proceso de converxencia entre as dúas forzas”. Un dos nomes que se barallan para dirixir a agrupación local é o de Óscar Benavides, quen xa fora coordinador da formación en Redondela.  

Rubén Pérez EU
Entende que detrás da dimisión de coordinador local Roberto Villar hai só intereses persoais
Candidatura de unidade popular
Unha das opcións que barallan en EU para os próximos comicios
Reunión con AER
Abrir vías de diálogo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *