Hoxe é Sábado 25 de Xuño de 2022
Stations
NOTHING FOUND!
Current listeners: 
Peak listeners: 

O BNG reclama o incremento de persoal en correos para acabar cos “atrasos inxustificables”

RR_Noticias

Aseguran dende o Bloque que logo de reducirse os cadros de persoal no servizo pasándose de 21 carteiros a tan só 18 en toda a comarca as demoras no reparto incrementáronse. Por ese motivo solicitan ao pleno do concello que se lle reclame a Xunta a ao goberno do estado medidas para solucionar a problemática denunciada recentemente pola Asociación de Veciños de Chapela

Explica o BNG que as demoras no reparto superan en moitos puntos de Galicia os quince días e qie afectan de xeito xeneralizado o rural galego “sendo moito máis grave nas áreas metropolitanas das cidades, vilas ou concellos máis grandes”.
As razóns deste atraso está “nas condicións extremas en que desenvolven a súa actividade os traballadores deste servizo pola redución no seu número de efectivos”.
Unha situación que afecta tamén a Redondela logo de que agosto de 2013 se fixera  unha reestructuración do reparto pasando de 21 a 18 carteiros, número no que se inclúen os de Fornelos de Montes (2) e Pazos de Borbén (2).
Por este motivo presentarán unha moción no pleno de mañá na que denuncian a situación e reclaman a adopción de medidas por parte do goberno do estado encamiñado a garantir o servizo postal e a cobertura de vacantes nos cadros de persoal de Correos para resolver estes problemas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará