Hoxe é Luns 26 de Outubro de 2020

Lume e festa nun Entroido multitudinario que o sábado celebra en Chapela o enterro do Berete

RR_Noticias

O tempo acompañou e ninguén quixo perderse a celebración que na xornada de onte se vivía na rúa. Dende o mediodía xa se podían ver ducias de persoas, grupos que foron en aumento durante toda a tarde ata ateigar as rúas e prazas do centro da vila. Unha festa que continuará en Chapela o sábado co Enterro do berete no que participarán mil persoas e dez comparsas.

Actividades para os nenos e moita festa para os maiores que viviron o seu punto álxido coa queima do meco, que nesta ocasión era unha man aberta contra a violencia de xénero. Un espectáculo a cargo da compañía Troula con malabares, zancudos, lume e fogos de artificio. Houbo tamén premios para os mellores disfraces. Así na categoría de grupo o primeiro premio foi para o grupo Capitán América e o segundo para os Exipcios. Unha parella de cabaliños de mar e outra de momias fixéronse cos premios nesta categoría, mentres que en individuais o xurado premiou a unha moza disfrazada de Maléfica e a unha Píntega. Unha festa que se prolongou ata a madrugada e que aínda ten citas pendentes para a ifn de semana Nesta edición a concellería de festas quere apostar pola inclusión neste programa do tamén xa tradicional enterro do Berete e faino traballando conxuntamente con quen foi durante os últimos 20 anos o responsable desta actividade Manuel Rodríguez, quen agradecía a implicación do concello e aseguraba que de non ser por esta colaboración “o enterro do berete este ano non se tería organizado”. Unhas actividades que terán lugar na tarde do sábado e que contará coa presenza de dez comparsas con máis de mil persoas que participaran dun desfile que percorrerá o centro da parroquia. Unha comitiva fúnebre que partirá dende o Alto da Encarnación a partir das 19:00 horas e percorrerá a Avenida de Vigo ata chegar a praia de Arealonga. A concellería de Festas, Herminia Quelle explicou que para garantir a seguridade cortarase o tráfico na parroquia mentres dure o desfile, trasladándose os vehículos pola zona alta da parroquia. Unha vez o desfile chegue á Arealonga haberá unha “invasión pirata”, un espectáculo animado polo grupo de percusión Trópico de Grelos, e a continuación procederase á incineración do Berete. A festa rematará con verbena amenizada pola orquestra Gran Parada. O alcalde de Redondela, Javier Bas, anima os veciños a sumarse tamén a estas celebracións cunha gran tradición na parroquia “o Entroido en Redondela quedaba coxo e queremos completalo con este enterro do Berete converténdoo ademais en referente para os veciños do concello e da comarca.  

Manolo Rodríguez Comisión de festas
Asegura que o enterro do berete non se podería celebrar sen a colaboración do concello
Herminda Quelle Concelleira de festas
Mil persoas e dez comparsas participarán na festa do sábado
Queima do berete
Unha festa en Arealonga
Javier Basalcalde
Completar as celebracións

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *