Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

O BNG denuncia a precaria situación da Duna da paria de Cesantes

RR_Noticias

O grupo municipal nacionalista denuncia que, dende os temporais do inverno pasado, a superficie dunar foi perdendo area, ata uns vinte metros cadrados. Lamentan que as intervencións realizadas dende o Concello, lonxe de favorecer a recuperación da duna, empeoraron a súa situación.

Para a organización nacionalista, trátase dunha nova mostra do “desinterese” do goberno de Javier Bas na preservación de singulares enclaves naturais de Redondela. Salientan que a duna de Cesantes é un dos referentes de recuperación da Praia da Punta, grazas ao cal acadouse a Bandeira Azul. Os diferentes temporais que castigaron a praia de Cesantes, e en particular ao seu sistema dunar, deixárono, “nunha situación moi delicada cunha perda importante de superficie” segundo palabras do concelleiro nacionalista, Xoán Carlos González. O Bloque lamenta que, malia que o Concello invertíu máis de 8.000 euros nos últimos meses, non se desenvolveu unha actuación “coidadosa e de recuperación” da duna. González explica que desapareceron uns vinte metros cadrados do areal, e advirte que se non se toman medidas urxentes “a situación pode ser irrevesible”. Dende a organización nacionalista amosan “preocupación” pola situación da contorna, un espazo singular e “moi complexo de recuperar”, que na actualidade vese “gravemente alterado”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará