Hoxe é Xoves 11 de Agosto de 2022
Stations
NOTHING FOUND!
Current listeners: 
Peak listeners: 

O balonmán local triunfa en Primeira Nacional

RR_Noticias

Chapela e SAR afiánzanse nos postos altos da clasificación logo de sumar dúas novas vitorias nos encontros disputados na fin de semana. O Construcciones Castro vencía nun axustado partido ante o Cisne por 31-30. A SAR facía o propio na súa visita ao campo do Poio.

O pavillón de Chapela viviu esta fin de semana un emocionante encontro no que o equipo local acabou coa imbatibilidade do Cisne. Partido resolto nos últimos instantes cun axustado 31-30, e que supón unha importante vitoria para o Chapela que se mantén nos postos altos da táboa en Primeira Nacional.
Os pontevedreses foron por diante no marcador ata pouco despois do descanso cando se producía a reacción do Construcciones Castro que foi moito máis preciso nos minutos finais para apuntarse finalmente un triunfo que aperta aínda máis a cabeza da clasificación. Dende o terceiro posto xogan na vindeira semana no campo do Cañiza, decimo primeiro na clasificación xeral.
Cómodo triunfo por outra banda para a SAR nun partido disputado no campo do Poio. Un encontro que os redondeláns dominaron dende o inicio e que rematou co resultado de 20-25 a favor da SAR Plastic Omnium. O equipo xoga na vindeira semana na Bomboneira, dende o cuarto posto da táboa reciben ao Lalín, situado na sétima praza.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará