Hoxe é Xoves 28 de Xaneiro de 2021

Critican o investimento de 3.000 euros en mandís dentro dunha campaña de promoción da igualdade

RR_Noticias

O BNG asegura que a Concellería de Servizos Sociais e Igualdade de Redondela solicitou á secretaría xeral a compra de mil mandís para “iniciar unha campaña a prol da igualdade”. Para desenvolver esta campaña investiríanse un total de 3.025 euros, un investimento que consideran “superfluo” tendo en conta ademais que se destina a prevencións da violencia de xénero unha cantidade menor: 2.800 euros.

Na solicitude de subvencións á Secretaría Xeral de Igualdade, o Concello de Redondela incluía, segundo explican os nacionalistas “catro actuacións enmarcadas na promoción da igualdade de xénero, dúas delas orientadas á “prevención e tratamento integral da violenza contra as mulleres” co desenvolvemento de obradoiros de igualdade nos centros educativos por valor de dous mil euros e obradoiros de benestar e autonomía persoal para mulleres vítimas de violenza para o cal se pedía á Secretaría Xeral unha colaboración de 1.224€, mentres que o concello chegaría 140€.
As críticas do BNG chegan coa solicitude dunha cantidade superior para a compra 1.000 delantais para segundo o escrito presentado pola Concellería “iniciar unha campaña a prol da igualdade para visibilizar os feitos e logros conseguidos no eido da igualdade”. En total, investiríase nesta campaña 3.025€.
Entenden os nacionalistas que con estas actuación o goberno local decántase “por actuacións que pouco ou ningún impacto van ter na erradicación da violencia de xénero e critican tamén un investimento nun gasto que cualifican de “superfluo”.
 
 
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *