Hoxe é Sábado 15 de Maio de 2021

O BNG solicita o apoio do pleno aos pescadores do xeito

RR_Noticias

Critican a decisión do goberno español de pechar a pesca da sardiña sen facer ningunha distinción entre cerco, racú ou xeito e sen valorar as propostas do propio sector como a reducción de cotas de pesca e de días de faena. Con esta prohibición os barcos de xeito ou racú ven como se lle prohibe a posibilidade de poder pescar sardiña, como o viñan facendo de maneira inmemorial. Aféctalle a un total de 44 embarcacións no noso concello (4 racús e 40 xeiteiros).

Esta medida conleva, segundo explican dende o Bloque, graves repercusións para unhas artes tradicionais que teñen unha moi pequena incidencia sobre o cómputo total do tac tendo en conta que “o total de embarcacións do xeito de Galiza( 427) pescan ao longo do ano o equivalente a 2 barcos de cerco”.
Logo deste peche e despois das protestas do sector, o goberno español presenta un proxecto de axudas para a flota afectada no que se exclúe as embarcacións de racú e xeito, que ven así como non poden optar a unha axuda económica e tampouco poden traballar.
A maiores, ven de elaborarse en Bruxelas unha proposta de regulamento polo que se prohibe a pesca con redes de deriva e entre as súas recomendacións establece a prohibición de utilizar calquera tipo de rede de deriva a partir do 1 de xaneiro de 2015, no que se inclúe o arte do xeito.
Por estas razóns o BNG solicita ao pleno que amose o seu apoio as demandas do sector do xeito do noso concello así como as mobilizacións que organicen. Tamén solicitan que se lle inste a Xunta a que reclame a elaboración dun novo proxecto de axudas no que se inclúan apoios para a flota afectada polo peche como son cerco, racú e xeito así como que se exclúa as artes de racú e xeito da prohibición de poder pescar sardiña prevista pola Unión Europea.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *