Hoxe é Mércores 28 de Outubro de 2020

Unha ruta guiada para coñecer os tesouros naturais de Soutoxuste

RR_Noticias

  A concellaría de Medio Ambiente organiza este sábado, día 23, cunha ruta guiada desde a praia de Cesantes ata Soutoxuste. A zona alberga unha gran reserva de aves e bosques de sobreiras, pouco comúns nas rexións atlánticas. Expertos biólogos e naturalistas ofrecerán información de moito interese a todos os participantes. A actividade está aberta para todos os públicos.

O punto de partida será a praia da Punta, onde se sitúa a bandeira azul, ás 10.00 horas. Desde alí farán un percorrido por zonas de litoral e monte, para descubrir espazos de gran valor natural e paisaxístico. Un dos expertos da empresa Estela, Anxo Rajó, explica que se trata dunha zona protexida a nivel europeo pola Rede Natura, xa que é punto de parada de moitas aves. Un roteiro descoñecido para moitos veciños, e que agocha verdadeiros “tesouros” vexetais e animais. A cita é ás 10.00 da mañá, e o remate está previsto para as 14.00 horas. Desde a empresa Estela aseguran que se trata dun percorrido “apto para todos os públicos” xa que a marcha se fai a un ritmo tranquilo para que todos os asistentes poidan realizalo sen esforzo.  

Anxo Rajó organizador
A zona conta con especial protección ambiental da UE
Bosque de sobreiras
En Soutoxuste hai gran variedade desta especie máis propia do Mediterráneo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *