Hoxe é Luns 30 de Novembro de 2020

O Redondela Fútbol Sala xogará a Copa Xunta no grupo do Bembrive, Leis e Talleres ABC Vigo

RR_Noticias

A Federación Galega de Fútbol Sala decidiu que o Redondela F.S. se encadre esta temporada entre os mellores doce equipos da comunidade galega, xa que os pupilos de Julio Mougán disputarán a Copa Xunta. O primeiro partido será o 6 de setembro en Vigo. Antes teñen varios amigables, o primeiro este sábado en Redondela diante o Campito.

Xoga a Copa Xunta era un dos obxectivos deportivos da liga pasada, e os redondeláns pelexaron ata a última xornada polo segundo posto que daba praza para esta competición. Finalmente remataron a liga terceiros, empatados a puntos co segundo clasificado. Con todo, segundo explica Julio Mougán, a renuncia do Mos fixo posible que o club faga realidade este soño. CD Mosteiro Bembrive, Leis Pontevedra, ambos equipos de 2ªB, e Talleres ABC Vigo (campión Liga Galega) serán os rivais. O formato será liguilla a unha volta, clasificándose para a segunda fase os dous primeiros. Por outro lado, o equipo xa se atopa inmerso na pretemporada, logo das primeiras sesión de traballo. Mañá sábado xogarán un amigable co Campito FS, equipo de Chapela co que logo de ascender á Liga Autonómica van protagonizar interesantes derbis. Outras citas serán co SD Pazos FS (mércores 27 de agosto en Pazos de Borbén, 21:00), co Bahiña FS (sábado 30 de agosto en Baiona, 19:00), e logo comezará a Copa Xunta co Talleres ABC Vigo, o 6 de setembro nas Travesas, 17:00). Co Leis Pontevedra (sábado 13 de setembro en Redondela, 16:30) e co CD Mosteiro Bembrive (luns 29 de setembro en Bembrive).  

Julio Mougán adestrador
Poder disputar a Copa Xunta é un agasallo para o equipo.
Redondela F.S.-Campito F.S.
O amigable deste sábado será un anticipo dos derbis que xogarán os dous equipos esta temporada.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *