Hoxe é Xoves 29 de Outubro de 2020

O Concello concede a Cáritas 10.000 euros para atender a familias con necesidades

RR_Noticias

O pleno aprobou por unanimidade incrementar a subvención que se lle concede a esta entidade, e que inicialmente era de 7.000 euros, coa finalidade de reforzar e apoiar a campaña que desenvolven no Concello durante estes meses de verán “co fin de garantir unha alimentación digna e axeitada dos menores cuxas familias non conten cos recursos suficientes”.

Os menores deberían ser os grandes beneficiados deste incremento na achega que o Concello fai á organización Cáritas e así o puxeron de manifestos todos os grupos presentes na corporación que amosaron a súa preocupación polo feito de que o peche dos comedores escolares poida provocar que algúns rapaces non reciban unha alimentación axeitada. O acordo foi aprobado por unanimidade aínda que con matices. O BNG daba o seu apoio á proposta tendo en conta “que o tempo aprema” pero insistían “en que esta fórmula non nos gusta porque entendemos que o servizo debería asumilo a Xunta ou xestionarse directamente dende o concello”. Unha proposta que os socialistas tamén apoiaban “ante a urxencia da situación”. Digna Rivas solicitaba tamén á Concellería de Servizo Sociais que se poña en marcha un plan de apoio á alimentación infantil para garantir esta necesidade básica.  

Teresa París Concelleria de Servios Sociais
Explica a necesidade de incrementar a achega a Cáritas
Alfonso Blanco Pochi AER
A alimentación dos rapaces pode verse mermada co pehe dos comedores escolares
Cecilia Pérez Orge BNG
Os nacionalistas amosan o seu apoio malia que con matices
Digna Rivas PSOE
Os socialistas piden un Plan de apoio á alimentación infantil

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *