Hoxe é Venres 23 de Xullo de 2021

O PSOE denuncia que Fomento non contempla ningunha actuación de mellora na N-555

RR_Noticias

O ministerio de Fomento, en contestación a unha pregunta da senadora socialista Angeles Marra sobre as melloras prometidas na N­555 “confirmou que non existe ningunha actuación prevista”. Así o denuncia o PSOE de Redondela que alerta do precario estado no que se atopa esta estrada.

Lembran os socialistas que o pasado ano presentaron unha moción para a construción de beirarrúas na Nacional 555 entre outras medidas de seguridade viaria e que no pasado mes de xaneiro o edil Arturo González nunha comparecencia solicitada polo grupo socialista “manifestou que Fomento tiña predisposición a actuar nesta estrada”.
Sen embargo, responsables do Ministerio trasladáronlle á senadora Ángeles Marra que non contemplan ningunha actuación na zona  “polo que parece que as palabras de Arturo González volven a estar moi lonxe da realidade”. 
Os socialistas reiteran a necesidade de dotar este vial de beirrarúas “porque se trata dun auténtico perigo para os veciños de Cedeira e Negros que empreñan esta estrada para dirixirse cara o casco urbano o lugar e tamén para os conductores que circulan por esta estrada”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *