Hoxe é Xoves 29 de Outubro de 2020

Miguel Angel Álvarez: “A calidade da auga en Cesantes é excelente e en Arealonga suficiente”

RR_Noticias

O concelleiro de Medio Ambiente tranquiliza aos veciños de Chapela e insiste en que a calidade da auga da praia de Arealonga “é apta para o baño”. Recoñece que no ano pasado foi necesaria colocar a bandeira vermella nalgunha ocasión por vertidos puntuais que chegaron á praia a través dos dous ríos que desembocan no areal. Por outra banda salienta a promoción turística que para o noso concello supón contar cunha bandeira azul en Cesantes “cunha calidade excelente nas súas augas”.

Ante a sorpresa causada pola distinción de bandeira azul á praia da Punta en Cesantes o edil insiste en que a decisión está en mans da Adeac, un organismo independente encargado de valorar qué praias merecen esta distinción e cales non. Asegura que os seus técnicos cando se achegaron a Redondela amosaron a súa sorpresa de que este distintivo non se tivera solicitado con anterioridade “atendendo ás características do areal e tendo en conta que cumpre todos os requisitos necesarios para obtelo: ter unha calidade de auga excelente, contar con socorristas no verán e contar con baños públicos”. O edil entende que este distintivo servirá para atraer un maior número de turistas e supón un reto de cara ao futuro para mellorar e poder así manter esa bandeira en vindeiros anos. En canto á situación da praia de Chapela, que segundo un informe da Axencia Europea de Medio Ambiente elaborado con datos de 2012 e 2013 presenta unha mala calidade das augas, o edil tranquiliza aos veciños e insiste “neste momento a auga é apta para o baño”. Explica que o motivo de que nalgunhas ocasións a calidade da auga fora insuficiente debeuse a vertidos puntuais que incluso obrigaron o ano pasado a colocar a bandeira vermella no areal. Precisamente par evitar que esta situación se repita teñen previsto realizar obras en Pasán eliminar os vertidos que agora acaban nos ríos Pumariño e Maceiras que desembocan na praia.    

MIguel Angel Alvarez edil de Medio Ambiente
As análises falan de calidade excelente en Cesantes en suficiente en Chapela
Bandeira azul
A praia da Punta cumpría practicamente todos os requisitos
Apta para o baño
En Arealonga non hai ningún risco para os bañistas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *