Hoxe é Domingo 25 de Outubro de 2020

A música enche o Multiusos cos concertos de Gustavo Almeida e o grupo Jazzología

RR_Noticias

O cantautor de orixe brasileira Gustavo Almeida ofrece un concerto hoxe venres ás 21:00 horas con entrada de balde no que presentará o seu último disco “Desde el coche”. O sábado a programación musical continúa cun concerto do grupo Jazzología enmarcado dentro do ciclo da Rede de Músicas Soltas . Este proxecto musical está liderado polo contrabaixista José Manuel Díaz, cubano afincado en Redondela, que xunta a súa música de raíz cubana coa música galega.

A Deputación de Pontevedra, en colaboración coa Concellaría de Cultura de Redondela, organiza hoxe venres ás 21,00 h un concerto do cantautor de orixe brasileira Gustavo Almeida, no Auditorio da Xunqueira. O concerto inclúe a presentación do seu último disco “Desde el coche”, produto de cinco anos de traballo de composición, e que é o seu terceiro produto discográfico, un disco versátil, libre, entretido, onde se mesturan diferentes estilos como Rock, Reggae, Funk, Pop, con letras que tratan temas íntimos e sociais, como a homosexualidade, o sexo, o amor, a convivencia e o nacemento dun fillo. O concerto é de entrada libre e gratuíta Concerto de Jazzología O sábado a cita será coa formación do contrabaixista cubano José Manuel Díaz Iglesias, un trío que xorde da necesidade do artista de ofrecerlle ao público a súa música, composicións orixinais baixo a linguaxe do jazz que harmonizan coas músicas populares cubana, brasileira, galega… e doutras culturas. Para o concerto que se celebra este sábado ás 21:00 horas no Multiusos da Xunqueira contará coa colaboración especial de Felipe Villar (guitarra) e Jesús Pazos (batería), dous novos valores do jazz galego. O prezo das entradas é 4 € e pódense retirar dende hoxe no mesmo Multiusos da Xunqueira.  

Mauro Senín Rede de músicas soltas
Fálanos da actuación de Jazzología

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *