O borrador da Consellería de Medio Ambiente, Territorio e Infraestructuras chegou onte ao Concello de Redondela. Un informe que non establece datos concretos sobre a cantidade económica que o noso municipio terá que achegar para a implantación do plan, aínda que as cifras que se manexan establecen unha achega de entre 90.000 e 130.000 euros. Unha cifra que o edil de interior Arturo González, entenden “asumible para poñer en marcha un proxecto moi beneficioso para todos os veciños”
O concelleiro confía en que logo do achegamento entre o alcalde de Vigo Abel Caballero e a propia Xunta, se axilice a implantación deste plan de transporte e que sexa unha realidade, tal e como está previsto, no primeiro trimestre do 2015. Atendendo ás repercusións que proxectos semellantes tiveron noutras áreas metropolitanas, González salienta os beneficios que produciría a nivel económico e medio ambiental cun uso moito maior do transporte público. O sistema de funcionamento deste plan de transporte suporía unha melloría notable na mobilidade dos veciños, xa que independentemente do lugar de residencia un veciño de Redondela podería desprazarse a calquera punto de Vigo pagando un único billete que lle permitiría realizar os transbordos que necesitara sempre e cando os realiza nun período de tempo dunha hora. A primeira estimación establece que ese billete único terá un prezo de 0,86 céntimos.
As primerias estimacións falan dunha achega entre 90.000 e 130.000 euros
Un billete de 086 permitiría facer varios transbordos
Os prazos establecen a súa psota en marcha no primeiro ttrimestre do 2015
