Hoxe é Domingo 28 de Febreiro de 2021

Horas baixas para o balonmán local

RR_Noticias

En División de Honra B, os de Chapela non levantan cabeza logo dunha nova derrota nesta ocasión ante o Sinfín, por 28-22. Atópanse na antepenúltima praza da categoría e teñen por diante un encontro difícil de salvar, reciben na vindeira xornada ao líder da categoría O Barcelona B. Mesam sorte correu a Sar que na súa visita ao campo do Magope Seis do Nadal caeu por 25 goles a 19.

Nova derrota para o Construcciones Castro Chapela que co lastre das ausencias non foi quen de superar ao Sinfín. Partido disputado o sábado en Santander a onde os de Chapela chegaron sen Iago Cuadrado e Nando que eran baixa por lesión. Aos cinco minutos de partido o Sinfín vencía xa tres a cero, unha distancia que iría aumentando consonte pasaban os minutos. Na segunda parte o encontro estivo máis igualado conseguindo o Chapela achegarse ata o 15-14 no marcador, pero minutos despois o Sinfín volveu afastarse ata chegar ao 28-22 final.
Con esta derrota o Construcciones Castro Chapela continúa ocupando a antepenúltima praza e na vindeira semana reciben ao líder, o Barcelona B.
Derrota tamén para a Sar que malia disputar unha primeira parte moi igualada que facía pensar nunha posible vitoria para os de Redondela non foron quen de superar ao Magope. De feito a Sar chegou a gozar dunha vantaxe de dous goles, pero a partir do minuto dez das segunda parte os homes do Magope viñéronse arriba cunha excelente defensa facéndose cun partido que terminaría con derrota para os redondeláns que caeron por 25-19.
Dende o noveno posto a Sar recibe na vindeira semana ao cuarto clasificado ao Luceros.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *