Hoxe é Martes 1 de Decembro de 2020

Os redondeláns dubidan que 2014 sexa o ano da recuperación económica e do emprego

RR_Noticias

Malia as mensaxes de optimismo do goberno, que augura para este ano unha mellora da economía e das taxas de emprego, na rúa a sensación é diferente. Os cidadáns son máis pesimistas, e a maioría dos veciños de Redondela cos que tivemos ocasión de falar están convencidos de que neste 2014 non sairemos do pozo, e que aínda quedan moitos anos para que a recuperación sexa posible.

Os últimos datos da EPA, que falan de máis destrución de emprego, dánlle a razón a veciños como Manuel, que pensan que as cousas “serán peores este ano”, con máis paro e emprego precario. Ramona, que ten un pequeno comercio, tampouco nota melloría e para ela a falta de emprego é o máis preocupante. Outros como Carlos ven un pequeno marxe de recuperación, aínda que moi feble, polo que endente que non será suficiente para que se note neste 2014, e augura aínda varios anos de crise. Entende que a peor parte a levan os parados de larga duración, porque unha vez que rematan a prestación por desemprego e as axudas pasan a unha situación “extrema”. Moitos reclaman un cambio nas políticas do goberno, xa que entenden que ata o de agora “non serviron para crear emprego”. A percepción dos veciños de Redondela non é diferente á da maioría dos cidadáns do conxunto do Estado. O último barómetro do Centro de Investigacións Científicas (CIS) apunta que dous de cada tres parados cren que non atoparán traballo este ano. O CIS incluíu tamén no seu barómetro preguntas sobre a situación económica xeral do país, que un 86,9% dos enquisados cualifica como mala ou moi mala, fronte a apenas o 11,8% que a cualifica de regular e o exiguo 0,9% que a considera boa. Ningún dos preguntados atreveuse a confirmar que a situación económica vaia moi ben.  

Manuel cre que a situación empeorará
Este veciño augura máis paro e emprego precario para este 2014.
Ramona non ve melloría
Esta comerciante non aprecia síntomas de que a situación económica mellorase.
Carlos pensa que a recuperación non é suficiente
Este pequeno empresario aprecia síntomas de recuperación pero non os suficientes para que cambie a tendencia.
Cambio de políticas
Os veciños entenden que é preciso unha modificación nas políticas económicas para crear emprego.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *