Hoxe é Venres 22 de Outubro de 2021
History
Stations
NOTHING FOUND!

O Club Balonmán Chapela organiza o II Torneo de Nadal “Memorial Gerardo Méndez”

RR_Noticias

Este nadal o Club Balonman Chapela organizará por segundo ano consecutivo o seu torneo de Nadal para categorías base. Celébrase do 26 ao 29 de decembro, e participarán as categorías Benjamín mixto, Alevín mixto e infantil, tanto masculino como feminino. No torneo enfrontaranse os equipos do Chapela e tamén da SAR, Seis do Nadal e Moaña.

Desde o club salientan que este ano o torneo dedicarase “á memoria do gran amigo e adestrador Gerardo Méndez”, falecido en xaneiro deste ano. Ademais no torneo poderase gozar de dous partidos sénior de exhibición, un o sábado día 28 entre veteranos, e o domingo 29 un partido entre antigas xogadoras do club. Serán catro xornadas de balonmán en horario de mañá e tarde, e a competición desenvolverase nunha liga a unha soa volta de todos contra todos. O club espera contar coa participación de máis de douscentos nenos nestes días dedicados ao balonmán, e porán “todo o seu esforzo” para repetir o éxito da pasada edición. Para a realización do mesmo o club conta coa colaboración de xogadores de categorías superiores así como con varios adestradores do club.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *