Hoxe é Luns 30 de Novembro de 2020

A SAR afrontan a segunda volta “con tranquilidade” ao ter acadado a permanencia

RR_Noticias

O sábado xogan co Calvo Xiria o que será o último partido desta primeira volta, e viaxan a Carballo “sen presión”, coa tranquilidade de saber que teñen “os deberes feitos”. Xa sumaron os puntos suficientes para afrontar a segunda volta da Primeira Nacional con garantías, e agora chega o descanso de Nadal co desexo de recuperar aos xogadores lesionados.

O balance da primeira metade da liga é “moi satisfactorio”, segundo o técnico, Diego Lorenzo. Nas primeiras xornadas medíronse a rivais directos pola permanencia e pasaron o exame con nota. Logo chegaron os equipos máis fortes, os da cabeza da táboa, e tamén as lesións dalgúns xogadores importantes para a SAR, e tamén superaron a proba. Fixérono grazas ó esforzo de todos e as achegas de varios xogadores do filial aos que o adestrador está a dar minutos. A vitoria do pasado sábado diante do Ártabro foi vital para acadar o obxectivo marcado antes do parón de Nadal, xa que chegan ao ecuador da competición na 9ª posición da táboa, fóra dos postos de perigo. A próxima cita, que será o último partido desta primeira volta, será en Carballo, diante do Calvo Xiria. Será un partido complicado polo longo desprazamento e pola fortaleza do rival na casa, pero Diego asegura que viaxan “sen presións”, coa tranquilidade que lles dá saber que teñen o obxectivo cumprido. O certo é que no club están moi satisfeitos co traballo de todo o equipo, e agora só agardan que o descanso de Nadal sirva para recuperar xogadores lesionados como Gabriel e Iñaki.  

Diego Lorenzo adestrador
O técnico fai un balance moi positivo desta primeira volta da liga.
Cos deberes feitos
Chegan ao ecuador da competición coa satisfacción de ter cumprido o obxectivo.
Calvo Xiria-Sar Plastic Omnium
Lorenzo fala dun encontro difícil aínda que recoñece que viaxan sen presións.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *