Hoxe é Mércores 21 de Outubro de 2020

O Obradoiro de Estudos Locais Fernando Monroy busca a mellor imaxe

RR_Noticias

Convocan por oitavo ano consecutivo o seu concurso fotográfico animando tamén aos máis novos a participar, xa que ademais do premio de adultos os menores de 14 anos optarán a un premio de 100 euros. O prazo de presentación remata o 24 de novembro. Unha actividade que ven completar a exposición fotográfica itinerante “Redondela e o mar” que está a percorrer as parroquias e que estes días se pode ver no Multiusos do Piñeiral en Chapela.

A mostra pasou xa por varias das parroquias do concello e a súa parada final será en xaneiro no centro da vila. Baixo o título “Redondela e o mar” a exposición recolle imaxes cedidas polos veciños nas que se abordan temas mariñeiros e, máis concretamente, en torno a aquelas actividades que no pasado se desenvolvían no mar Nesa labor de potenciar e dar a coñecer o noso entorno convocan tamén a VIII edición do concurso fotográfico Fernando Monroy. Para animar a un maior número de veciños a participar a temática das imaxes será libre. Os interesados en participar poderán presentar ata un máximo de 5 fotografías antes do domingo 24 de novembro. A mellor fotografía recibirá un premio dotado de 200 euros, establecéndose ademais dúas categorías dotadas con 100 euros cada unha, o premio de adultos e o premio xuvenil. As bases pódense consultar no enderezo electrónico http://www.estudoslocais.org/ A Asociación ten en marcha tamén outra actividade na que a memoria xoga un papel fundamental. Dende hai semanas e durante os vindeiros meses está na gravar aos maiores da parroquia e co material recollido queren facer un audiovisual como xeito de documentar usos, costumes, traballos e tradicións que co paso dos anos están a esmorecer para evitar así a desaparición da súa memoria.  

Luis Medal Obradoiro Estudos Locais
Fálanos do concurso fotográfico
Redondela e o mar
Unha exposición itinerante
Recuperar a memoria
Un traballo de gravación cos maiores de Cesantes

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *