Hoxe é Martes 28 de Setembro de 2021
History
Stations
NOTHING FOUND!

O desemprego experimenta un repunte na bisbara

RR_Noticias

O paro volveu subir en outubro en toda a comarca deixando 194 parados máis respecto ao mes anterior. En Redondela o desemprego increméntase en 131 persoas deixando a un total de 2.863 persoas anotadas nas listas do INEM. Un comportamento negativo que atopamos tamén nos concellos veciños de Soutomaior, Pazos e Fornelos.

En total, o décimo mes do ano pechou con 2.863 persoas en busca dun traballo. O noso concello segue a mesma traxectoria que o conxunto de Galicia, xa que o número de desempregados na comunidade aumentou en relación ao mes anterior (7.492 parados máis, un 2,87 %), e tamén creceu, se se compara con outubro do 2012 (413 desempregados máis, un 0,15 %).
Redondela experimenta así un novo incremento no número de desempregados ao inscribise 131 persoas nas listas do paro. Situación practicamente idéntica é a que atopamos no resto de concello da comarca. En Soutomaior o desemprego incrementouse en 24 persoas situándose o cómputo total en 883, en pazos de Borbén son 465 as persoas desempregadas, 25 máis que o mes anterior, mentres que en Fornelos de Montes anotáronse 14 persoas, sendo agora 232 as que se atopan buscando un emprego.
Un mes de outubro que deixa pouco espazo á esperanza logo de que en total foran 194 as persoas que se anotaron nas listas do paro.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *