Hoxe é Martes 20 de Outubro de 2020

Os estudantes saen á rúa contra a LOMCE

RR_Noticias

As aulas de bacharelato dos centros de ensino de Redondela estiveron practicamente baleiras na xornada de hoxe co gallo da segunda xornada de folga convocada polos estudantes para protestar contra a Lei LOMCE recentemente aprobada polo PP. Os alumnos iniciaban onte as protestas que culminarán este xoves cunha folga xeral no ensino á que están convocados docentes, estudantes e familias dende infantil a estudos superiores.

Como adoita acontecer o seguimento da folga está a ser valorado de xeito moi diferente por parte de goberno e convocantes. Mentres o Ministerio de Educación asegura que a incidencia está sendo moi desigual, practicamente nula en primaria, escasa en secundaria e algo maior no Bacharelato, alumnos de Redondela aseguran que nos seus centros o seguimento está a ser importante. Así o explicaba dende o Pedro Floriani un dos seus alumnos, Miguel González. Unha protestas convocadas dende a comunidade educativa para esixir a retirada da LOMCE coñecida como Lei Wert e protestar polos recortes no ensino. Os alumnos lembran que entre outras cuestións a lei introduce unhas reválidas coas que non están de acordo e obrigan ao alumnado a elixir “itinerarios forzados a partir da ESO”. Critican tamén o incremento das taxas en FP e na Universidade que ven acompañado dun recorte nas bolsas, o que dificultará que os alumnos con menos recursos poidan continuar os seus estudos. A semana de folga culminará mañá cando están convocados a sumarse á protesta os profesores, os alumnos e os propios pais e nais.  

MIguel González alumno do Pedro Floriani
Asegura que o seguimento está a ser importante en Redondela
Motivos da protesta
Denuncian que a Lei está a precarizar o ensino

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *