Hoxe é Martes 27 de Outubro de 2020

O programa Vacacións en paz demanda familias de acollida

RR_Noticias

A Asociación galega co pobo saharaui ven de retomar a campaña para incrementar o número de persoas interesadas en formar parte do programa Vacacións en paz logo da diminución drástica de participantes que este ten experimentado nos últimos anos, ata chegar á última edición na que tan só foron 3 as familias de Redondela as que durante os meses de xullo e agosto pasados colaboraron coa iniciativa.

Afastar aos rapaces das altísimas temperaturas que durante os meses de verán se alcanzan no deserto, chegándose nos campamentos de refuxiados ata os 50 graos, é o obxectivo primordial dun programa cun alto contido solidario pero tamén político. Así nolo explicaba a presidenta da Asociación galega co Pobo Saharaiu quen insiste en que outro dos obxectivos desta iniciativa é evitar que a sociedade esqueza a situación do saharauis que dende hai décadas viven nos campamentos logo de que o seu territorio fora ocupado por Marrocos. A Asociación confía en ter boa resposta das familias de Redondela a este chamamento para que sexan máis os que no verán do 2014 participen do programa Vacación en paz atendendo a gran sensibilización existente no noso municipio en anos anteriores. A diminución no número de familias de acollida é un feito que se detectou en toda España, pero lembran que Galicia se mantén como a terceira comunidade máis sensibilizada con este tema só pro detrás de Andalucía e Castela. En Redondela hai dúas persoas responsable do programa e todos os interesados poden poñerse en contacto coa Asociación o teléfono 986 262637.  

Maite Isla presidenta Asociación
Explica os obxectivos do programa
Situación en Redondela
Nos últimos anos diminuiu o número de familias de acollida
Galicia ocupa o terceiro lugar
A nosa comunidade é unha das máis concienciadas no apoio aos saharauis

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *