Hoxe é Martes 28 de Setembro de 2021
History
Stations
NOTHING FOUND!

“A fazaña da liberdade” achega a vida de Alexandre Bóveda ao Multiusos

RR_Noticias

A Asociación Cultural Alén Nós e o Colectivo Republicano de Redondela organizan a proxección do documental biográfico sobre a vida de Alexandre Bóveda, “A fazaña da liberdade” de David Senén Outeiro e a productora Filmika Galaika. Un acto aberto que terá lugar o xoves ás 20:30 horas no auditorio do Multiusos da Xunqueira.

“A fazaña da liberdade” é un documental que amosa o periplo vital dun dos personaxes mais influíntes e tamén más descoñecidos para a inmensa colectividade de Galiza. O seu director David Senén reconstrúe a vida e actividade de Alexandre Bóveda (1903-1936), comezando no seu Ourense natal onde Bóveda nace, é mozo e faise home, ate a chegada á súa “amada Pontevedra” e posterior exilio, e finalmente o dramático final do protagonista. O documental é concibido coma unha visión áxil pero sen deixar de afondar no conflicto.
Facendista, economista, deseñador das Caixas de Aforros de Ourense e Pontevedra, impulsor do Estatuto de Galicia, integrante do Seminario de Estudos Galegos, cofundador e Secretario Xeral do Partido Galeguista e ante todo, bo e xeneroso, “entregado á causa galega”, como el gustaba dicir, facetas todas elas que son recollidas neste documental.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *