Hoxe é Xoves 22 de Outubro de 2020

A marea vermella obriga a aprazar a festa do mexillón

RR_Noticias

A Asociación de hostaleiros de Arealonga, organizadores da cita gastronómica que ía ter lugar esta fin de semana en Chapela, confían en que a festa se poida celebrar a finais de novembro ou principios de decembro, unha vez desapareza a toxina que obrigou a pechar todos os polígonos de bateas en Galicia así como varios bancos marisqueiros.

A festa do mexillón en Chapela ofrece aos visitantes “o mellor produto da ría, un mexillón de grandes dimensión, recen recollido das bateas e de primeira calidade” en palabras do presidente da asociación organizadora, Jesús Fernández. Un produto que se ía poñer á venda esta mesma fin de semana nunha cita que ven de ser aprazada sine die, á espera de que desapareza a marea vermella que obrigou decretar o peche a semana pasadas de varios polígonos bateeiros de Galicia, un peche cautelar que dende onte afecta a toda a comunidade co peche tamén dos último dos polígonos que permanecía aberto na ría de Vigo. Agora o que resta é cruzar os dedos para que este virulento episodio de toxina se supere canto antes para que bateeiros e comercializadores poidan salvar a Campaña de Nadal. Jesús Fernández lembra que consonte se achegan as datas de Nadal multiplícanse as comidas de empresa e citas familiares que en tempos de crise botan man “dun produto de calidade pero máis económics respecto doutros mariscos como é o mexillón”. A marea vermella asóciase aos mexillón aínda que o episodios que se está a vivir estes días ten salpicado tamén aos bancos de mariscos de ameixas, berberechos e navallas.  

Jesús Fernández presidente organización
Explica que a medida é tan so un aprazamento
Virulencia da marea vermella
O peche afecta a toda Galivia
Salvar a campaña de nadal
Confían en que os polígonos se abran en 15 días

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *