Hoxe é Sábado 5 de Decembro de 2020

Aprender deportes náuticos tamén con mal tempo

RR_Noticias

Chegaron as choivas e os ceos anubrados, pero isto non impide que nos botemos a auga para practicar deportes tales como windsurf, kaiak, paddle-board ou kite-surf. Esa é a proposta que nos deixan os alumnos do curso de Ocio e turismo náutico que se está a impartir en Cesantes e que celebran na vindeira semana unhas xornadas de portas abertas na que poden participar aqueles que queiran achegarse a estes deportes.

Un total de 15 alumnos de entre 21 e 43 anos, maioritariamente mulleres e todas elas desempregadas, están a formarse como monitor de ocio e turismo náutico. Un curso que conta con contidos teóricos pero que pretende ser eminentemente practico xa que o obxectivo é que este alumnado se insira no mercado laboral. E precisamente ara poñer en practica todos os coñecementos adquiridos, na vindeira semana impartirán clases gratuítas aos veciños que desexen achegarse a estas modalidades deportivas. O responsable do curso, José Manuel Andrés, insiste en que a choiva ou o mal tempo non son obstáculo para botarse a auga, sempre iso si “ca indumentaria axeitada”. O curso prolongarase ata o vindeiro mes de novembro e xa hai alumnos que están a pensar na posibilidade de crear unha empresa dedicada ao ocio náutico, unha actividades que parece ter saída tendo en conta o repunte que está a vivir o sector turístico en Galicia e as boas condicións meteorolóxicas que presenta a enseada para a práctica destes deportes. Unha opinión que comparte tamén a Directora Xeral para o Emprego, Ana María Díaz, quen salienta “a situación privilexiada” do noso concello para este tipo de actividades así como a importancia da formación para mellorar a empregabilidade das persoas en paro.  

José Manuel Andrés monitor do curso
Fálanos das xornadas de portas abertas
Emprendemento
Hai quen xa pensa en montar unha empresa
Ana Mª Díaz Directora Xeral para o emprego
Un lugar privilexiado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *