Hoxe é Mércores 28 de Outubro de 2020

Todos á auga en Chapela!

RR_Noticias

As recentemente inauguradas instalacións do Centro de Deportes Acuáticos de Chapela non paran de recibir novos abonados. Xa son máis de 600 as inscricións que recibiron na piscina, o que corresponde a uns 1.300 usuarios entre nenos e adultos, xa que moitos dos abonos son familiares. A matrícula segue aberta, e para os que se abonen antes do 15 de setembro este mes será de balde.

A directora do centro, Patricia Pérez, sinala que o ritmo de inscricións “é moi bo” e agardan a que a cifra siga medrando nos próximos días. A empresa Aqualia, que xestiona a piscina municipal, calcula que para un bo rendemento das instalacións deberían rexistrar uns 1.500 os abonos, cun total de 3.000 usuarios. Polo de agora o número vai en aumento, e os usuarios están satisfeitos. Logo de agardar dous anos pola apertura das instalacións, os veciños celebran a súa posta en funcionamento. Algúns, como Celso, xa eran usuarios da Piscina Municipal de Redondela, e valoran que as instalacións de Chapela “son mellores” A proximidade ao domicilio é, precisamente, o que levou a moitos veciños a matricularse no Centro de Deportes Acuáticos de Chapela. É o caso da nai de Lucía e Alexia, dúas nenas de 7 e 4 anos que antes facían natación en Redondela, e agora poden xa practicar na súa parroquia. O centro ofrece máis de trinta actividades diferentes de natación e ximnasia, que se imparten na piscina, a sala de fitness, as dúas salas de ximnasia e a de fisioterapia. As actividades realízanse nun amplo horario, xa que as instalacións están abertas ao público desde as7.30 horas da mañá ata as 13.00 horas, e pola tarde desde as 16.30 ata as 22.30 horas da noite. O prezo dos abonos oscila desde os 23 euros mensuais para os nenos e maiores de 65 anos, e os 42 euros do bono familiar para catro ou máis membros. Con este bono os usuarios poderán participar en todas as actividades que se oferten nas instalacións, como o bikeindoor, cardiobox, fitpilates ou fitpower, entre outros, ademais dos cursos de natación. O horario de atención ó público para inscribirse e recibir información é de 10.00 a 13.00 horas e pola tarde de 17.00 a 20.00 horas.    

Directora da piscina
Patricia Pérez destaca o bo ritmo de inscrición
Celso
Destaca o bo estado das instalacións
Máis cerca
Os usuarios fan fincapé en que agora xa non teñen que desprazarse até Redondela ou Vigo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *