Hoxe é Mércores 28 de Outubro de 2020

Xornada de limpeza do fondo mariño nas augas do Porto de Cesantes

RR_Noticias

Un equipo de mergulladores apoiados en terra por voluntarios, realizará mañá sábado unha xornada de limpeza submarina no Poto de Cesantes que dará comezo ás 10:30 hroas. Unha actividade organizada polos Grupos de Acción Costeira en colaboración coa Concellería de Medio Ambiente na que poden participar os que o desexen comunicándoo previamente ao correo electrónico gacvigoaguarda@yahoo.es ou no teléfono 986 358109.

Pneumáticos, bicicletas ou incluso lavadoras, e outros electrodomésticos, eses son tan só algúns dos obxectos que adoitan atoparse nos fondos mariños, segundo nos explicaba Helena Herbello, dende o Grupo de Acción Costeira de Vigo A Guarda que na xornada de mañá organizan esta xornada de limpeza que busca principalmente concienciar á cidadanía sobre as nefastas consecuencia de tirar o lixo ao mar.  Por este motivo organizan ademais da recollida propiamente dita actividades divulgativas e obradoiros para os nenos co obxecto de dar a coñecer o problema. A actividade arrancará ás 10:30 coa actuación dos mergulladores que se encargarán de examinar e de percorrer o fondo do mar na procura de lixo, artes de pesca abandonadas, neumáticos… e de todos aqueles elementos e residuos que deben de ser retirados do medio mariño. Unha vez localizados se sacan á superficie e a flota de barcos de apoio izan a bordo os residuos e o lixo que a continuación é levado a porto, sendo descargado coa axuda do persoal de apoio e traballo en terra. Estas persoas son as encargadas de seleccionar os residuos e de depositalos en contedores segundo o tipo de material. Un segundo equipo de participantes é o encargado de realizar as labores de recollida e recuperación de fauna mariña, principalmente invertebrados, que chegan adheridos ao lixo que foi retirado do mar. Todos estes organismos mariños son introducidos temporalmente nun acuario no cal, tanto o público coma os participantes na limpeza os poden observar e coñecer. Cóntase cun equipote monitores e de material de estudio e divulgación (lupas, láminas, libros…) para amosar e explicar diversos aspectos da bioloxía destes animais. Posteriormente, todos estes animais que foron recollidos e recuperados dos residuos extraídos na limpeza son devoltos ao seu medio. Todas as persoas interesadas en participar na limpeza submarina deberán comunicalo ao correo electrónico gacvigoaguarda@yahoo.es indicando se participarán como mergulladores ou como persoal de apoio en terra. Tamén se pode facer a inscrición a través do teléfono 986 358109.

Helena Herbello Grupos de Acción costeira
Unha xornada aberta que arrancará ás 10:30 horas
Labor de concienciación
Un traballo que se fai en diferentes niveis

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *