Hoxe é Sábado 31 de Outubro de 2020

A volta ao cole, máis levadeira para os veciños de Saxamonde grazas á Comunidade de Montes

RR_Noticias

O mes de setembro trae consigo numerosos gastos para aquelas familias que teñen fillos en idade escolar. A Federación de Usuarios e Consumidores estima que ese gasto rolda os 400 euros. Conscientes de que ese desembolso supón para moitas familias unha contía difícil de asumir a Comunidade de Montes de Saxamonde decidiu colaborar “modestamente e na medida das súas posibilidades” abrindo unha liña de subvencións para axudar á compra de material escolar.

A Comunidade de Montes de Saxamonde ven de convocar estas axudas que se destinarán a familias con nenos que estean cursando segundo ciclo de infantil, primaria, secundaria e bacharelato, veciños da parroquia que sexan fillos ou netos de Comuneiros. Arturo Piñeiro, presidente da Comunidade, apunta que a decisión de facer esta achega responde á necesidade de apoiar a aquelas familias que teñen dificultades á hora de mercar o material escolar nuns tempos onde as axudas son cada vez máis escasas. Na liña de reinvestir na parroquia parte do beneficio que proporciona o monte e tendo en conta que se trata dunha comunidade modesta, destinarán a estas axudas unha cantidade total de 1.000 euros  que serán repartidos en vales de 40 euros para a adquisición de material escolar nun establecemento de Redondela aínda sen concretar. Buscan, así, de xeito paralelo o pulo do comercio local. A data límite de presentación de solicitudes é o 22 de setembro de 2013 ás 12:00 horas e poderán presentarse diante do Secretario ou do Presidente da Xunta Rectora  .  

Arturo Piñeiro presidente da Comunidade
Unha Comunidade sensible ás necesidades veciñais
Achega modesta
En total destínanse mil euros

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *