Hoxe é Martes 27 de Outubro de 2020

Cortes de tráfico en Redondela co gallo do Entroido de Verán e a Volta Ciclista a España

RR_Noticias

Agárdase unha intensa fin de semana en Redondela, cargada de actividades lúdicas e deportivas. Ademais da celebración do entroido estival, a vila será tamén escenario da volta ciclista en dúas etapas, o domingo e tamén o luns. Ademais o domingo celébrase a Festa das Angustias. Eventos, todos eles, que obrigarán a pechar ao tráfico as rúas da vila. A concellería de Tráfico recomenda estacionar nos aparcadoiros de Vilavella e a Marisma, e evitar os accesos ó centro da vila.

O Entroido de Verán, no que se agarda a participación dunhas 20.000 persoas, comezará mañá sábado ás 17:30 horas. Para os nenos con actividades na Praza da Casa da Torre e para o público xuvenil e adulto no recinto do Campo da Feira. Con tal motivo o tráfico cortarase no Centro de Redondela desde as 15:00 horas nas rúas centrais Alfonso XII, Xeneral Rubín e Ribeira, xa que a zona infantil quedará instalada entre a praza de Ribadavia e Alfonso XII. Xa o domingo Redondela volverá ser por segundo ano consecutivo un dos municipios polos que pase a Volta a España de Ciclismo. Desde as 13.30 cruzaran o concello os mellores ciclistas do momento. O pelotón entrará no municipio por Soutoxusto discorrendo polas rúas Xeral Rubín, Riveira, Alfonso XII, praza de Ribadavia, José Regojo, Pai Crespo, Praza de Ponteareas e Estrada de Vigo , Alto da Encarnación e Avda de Vigo en Chapela. O cambio do trazado da etapa do luns (Vigo-Vilagarcía), que eliminou o paso pola ponte de Rande, fará que o luns os ciclistas repitan o seu paso por Redondela, pero en sentido contrario que o domingo. Entrarán por Chapela e sairán por Soutoxuste, dirección Vilaboa para chegar ao seu destino final que é Vilagarcía. A chegada a Redondela será sobre ás 13.25 horas, e os que desexen achegarse deben ter en conta que o tráfico se cortará nas rúas centrais desde as 11:00 horas e o acceso a Redondela a partir das 13:00 horas. A circulación volverá á normalidade unha vez finalizado o paso de toda a caravana. Lembrar que tamén o domingo se celebra en Redondela a Festa das Angustias que ten lugar en Santa Mariña, o que suporá tamén o corte de tráfico na rúa Picota , Loureiro e Cruceiro a partir das 11:00 horas, renovándose de novo ao redor das 14:30 horas.  

Arturo González edil de Tráfico
O Concello recomenda estacionar los lugares habilitados e que se evite o acceso en coche ao centro da vila.
Cortes de tráfico pola Volta
O pelotón pasará por Redondela o domingo e o luns con conseguintes cortes de tráfico no municipio.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *