Hoxe é Domingo 13 de Xuño de 2021

A Deputación anuncia un novo investimento de 700.000 euros no complexo de Santa Mariña

RR_Noticias

Cando está a piques de finalizar o acondicionamento dos dous campos de fútbol, o ente provincial anuncia un novo proxecto que incluirá a creación de bancadas cubertas para preto de mil persoas. Ata o de agora xa se corrixiron as deficiencias que rexistraban as instalacións e dotouse o terreo de xogo de céspede artificial.

A reforma do complexo deportivo de Santa Mariña de Redondela, onde xoga o recentemente ascendido Club Deportivo Choco, suporá un investimento de máis de 1.400.000 euros, segundo anunciou na tarde de onte o presidente da Deputación, Rafael Louzán, que visitou o campo para comprobar os traballos que se están realizando. A nova actuación suporá un investimento de 700.000 euros, a mesma cantidade que os traballos realizados ata o de agora, e que foi achegada pola Deputación e o Concello. Estes traballos incluíron a ampliación e acondicionamento dos dous terreos de xogo e a dotación de céspede artificial de última xeración. Así mesmo, entre outras actuacións, procedeuse a solucionar os problemas que presentaban os campos, corrixindo as pendentes que provocaban acumulación de auga e, en consecuencia, impedían o correcto mantemento do céspede. Unha vez realizadas estas obras, a Deputación, segundo anunciou Louzán, procederá á licitación dos traballos de dotación de novos equipamentos e mellora dos existentes. Así, está previsto que se constrúa unha nova edificación que constará dunha grada cuberta con capacidade para preto de 600 espectadores, vestiarios, locais polivalentes e aseos, ademais de preto de 200 prazas máis de gradas cubertas para a pista de tenis. A iso sumarase un edificio novo nos límites da parcela para control e acceso ás instalación, o peche da parcela onde sexa preciso, e 2 gradarías descubertas para dar servizo ao campo de fútbol secundario.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *