Hoxe é Xoves 28 de Xaneiro de 2021

O Banco Pastor estuda abrir unha oficina en Chapela logo do peche da sucursal de NGB

RR_Noticias

A Asociación de Afectados da AP-9 convoca esta tarde unha Asemblea informativa co obxecto de valorar as conversas mantidas cos responsables do banco Pastor e coñecer a disponibilidade dos veciños a abrir unha conta nesta entidade logo de que NOGB pechase a sucursal da Avenida de Redondela deixando sen servizo aos usuarios da zona. A xuntanza terá lugar no Multiusos do Piñeiral ás 21:00 horas.

Os veciños da zona alta de Chapela quedaron sen servizo bancario a principios de mes. De nada serviron as protestas nin a campaña de recollida de sinaturas promovidas dende a Comunidade de montes e a Asociación de afectados pola AP-9. Caso omiso fixeron tamén os responsables da entidade bancaria ás ameazas dos aforradores de retirar os seus cartos do banco no caso de que finalmente o peche se fixera efectivo.
Unha vez pechada a sucursal os veciños iniciaron unha rolda de conversas con diferentes entidades e a resposta positiva non se fixo esperar. O Banco Pastor amosou a súa disponibilidade a abrir unha sucursal na zona aínda que a negociación no nesta pechada. Falta agora coñecer a valoración dos directamente afectados, que están chamados a participar esta tarde nunha asemblea extraordinaria ás 21:00 horas no Multiusos da parroquia para valorar a proposta e concretar se están dispostos ou non a facerse clientes desta entidade.
O peche da sucursal de NGB supuxo para os residentes e comerciantes da Avenida de Redondela quedar sen este servizo e tan só cun caixeiro automático que estará operativo tan só durante 6 meses. Unha situación que os obriga a trasladarse á Avenida de Vigo para facer as súas xestións.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *