Hoxe é Sábado 28 de Novembro de 2020

Cine, charlas e mercado no Recuncho

RR_Noticias

O local social O Recuncho acolle nesta Semana Santa a proxección das películas “Labirinto” e ¨”Agora”. Unha actividade que se completará coa charla “o papel da muller na relixión” a cargo do historiador David Faro. Xa na vindeira semana, do 2 ao 5 de abril celebrarán un mercadiño en horario de 17:00 a 21:00 horas.

A proposta cinematográfica do xoves día 28 está orientada a un público infantil coa proxección do título Dentro do labirinto ás 18:00 horas. Unha película do ano 1986 dirixida por Jim Henson e con Jennifer Connelly e David Bowie como actores principais. A cinta narra a historia de Sarah que debe recorrer un labirinto para rescatar ao seu irmán pequeno que ten sido secuestrado por uns trasnos e que está en máns do poderoso rei Jareth. O venres a sesión está orientada ao público adulto coa proxección ás 19:30 horas da galardoada “Agora”, película de Alejandro Amenabar na que conta a historia de Hypatia, filósofa e atea que viviu na Alejandría do século IV e que loita por salvar a sabiduría do mundo antigo. A continuación comezará unha charla coloquio baixo o título “O papel da muller na relixión” dirixida polo historiador David Faro. Unhas actividades que se desenvolverán no local social O Recuncho, na rúa Reveriano Soutullo nº 10, un local que acollerá do 2 ao 5 de abril un mercadiño en horario de tarde, de 17:00 a 21:00 horas ao que se poden achegar todos os que o desexen, tamén colaborar cedendo obxectos, roupa, xoias, xoguetes, libros ou calquera outra cousa que estea en bo estado e que poida ser útil para outra xente.  

Trailer de Ágora
Unha película de Amenabar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *