Hoxe é Sábado 28 de Novembro de 2020

Eduardo Rolland: “A batalla do wolfram”

RR_Noticias

O xornalista fai un percorrido pola guerra económica que se viviu en Galicia a partir do descubrimento das posibilidades que para o sector armamentístico tiña o wolframio, un mineral que a industria comezou desbotando pero que chegou a ter un elevado valor económico cando se interesaron por el alemáns e aliados.

A charla de Rolland, enmarcada dentro das I Xornadas sobre o patrimonio industrial en Rande celebradas na fin de semana, puxo de manifesto toda a historia que pode existir detrás de cada elemento do patrimonio. Autor do libro “Galicia en guerra, espías, batallas, submarinos e wolframio” no que se recolle a historia da participación de Galicia na II Guerra Muncial debido ao wolframio extraido das minas galegas que alimentou á poderosa indurtria bélica de Hitler, amosou a súa erudición no tema partindo do que fora un dos elementos do patrimonio industrial local hoxe prácticamente desaparecido. Situou aos asistentes no ano 1926 para relatar o por que da construcción dun cargadeiro por parte da empresa Compañía Minerales de Hierro de Galicia, infraestrutura situada no estreito de Rande e da que tan só quedan os piares logo de que na década dos 50 fora desmontada a maior parte da mesma para ser vendida como chatarra. A partir de dita infraestrutura relatou Rolland o nacemento de toda unha arañeira ao servizo do poder alemán para garantir a saída do wolframio cara á Alemania nazi, un mineral que nun primeiro momento era desbotado pola industria pero que chegou a converterse en fundamental para garantir a industria armamentística da época. E nese relato mestúranse empresarios como o propietario da compañía e vicecónsul de Alemania en Monforte, Friedrich Wilhelm Cloos (soterrado en Vigo) espías, empresas tapadeira do consorcio nazi Sofindus…     

Eduardo Rolland xornalista
Unha arañeira industrial en torno ao wolframio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *