Hoxe é Mércores 28 de Outubro de 2020

O certame da camelia reunirá no Castelo de Soutomaior a máis de 50 cultivadores

RR_Noticias

A tradicional cita celebrará a súa XIII edición os días 23 e 24 coa presencia de centos de persoas que poderán coñecer na fin de semana ás diferentes especies de camelia. A concelleira de cultura, Dolores Cernadas convida aos veciños a se achegar a esta mostra na que se poden ver exemplares tan xenuínos como camelias negras ou con olor.

O Castelo de Soutomaior será a vindeira fin de semana o escenario do XIII Certame e Exposición da Camelia, unha edición na que se volven superar as previsións, con máis de medio cento de participantes, dos cales 30 son semiprofesionais e 25 proceden do concello. Non faltarán ademais as composicións escolares e a colaboración dos comerciantes que empregan camelias para adornan os seus escaparates. E un ano máis, os concursantes optarán aos diferentes premios nos apartados de mellor flor e mellor composición artística, onde hai cultivadores que amosan unha enorme orixinalidade. A Exposición poderá visitarse a partir do sábado pola tarde e o domingo durante todo o día. A entrega de premios levarase a cabo o domingo ás 18:00 h. Unha oportunidade única para visitar o Castelo de xeito gratuíto aproveitando esta exposición tan primaveral.  

Dolores Cernadas edil de Cultura
Elevada participación
Premios
Valórase a mellor flor e a mellor composición
Exemplares extraordinarios
Camelias negras ou con olor son algunhas das rarezas que se ven na exposición

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *