A mostra baixo o título “Entreter á soidade” inaugúrase este sábado ás 19:30 horas na sala de exposición do albergue de peregrinos e poderá visitarse ata o vindeiro 20 de abril en horario de 13:00 a 22:00 horas de luns a domingo.
O pintor redondelán expón unha completa recompilación da súa obra na Casa da Torre, lugar no que xa expuxo en ocasións anteriores pero a onde achega nesta ocasión un estilo que ata o de agora non tiña amosado: o hiperrealismo. Unhas latas de refresco reproducidas con tanta fidelidade como podería facelo unha fotografía ou unhas mans onde o detalle levan ao pintor a non esquecer nin os poros da pel, son tan só algunhas das propostas que nos deixa Suso Ben nesta recompilación de cadros onde non faltan as referencias a Redondela. De feito, é precisamente un cadro que reproduce ao detalle a rúa Alfonso XII de mediados dos anos 90 a preferida polo autor, aínda recoñecendo que non é a mellor das obras expostas.
Técnica hiperrealista
Unha imaxe desta rúa é das preferidas polo autor
