Hoxe é Sábado 15 de Maio de 2021

O PSOE teme que o ciclo de teatro “Teatrarte” non se leve a cabo este ano

RR_Noticias

O ciclo de teatro “Teatrarte” leva desenvolvéndose en Redondela dende hai xa doce anos e incluía a actuación de media ducia de grupos que se achegaban ao Multiusos os sábados de febreiro e marzo. Os socialistas temen que este ano se suspenda o programa teatral a consecuencia da situación de estancamento na que se atopa o AGADIC, organismo da Xunta que colaboraba na elaboración do Teatrarte.

O PSOE de Redondela solicita ao alcalde, Javier Bas, que dea explicación sobre cal é a situación do ciclo de teatro Teatrarte, xa que a piques de rematar o mes descoñécese a súa programación polo que temen que non se vaia celebrar.
O ciclo Teatrarte fíxose dun xeito profesional ao longo dos últimos doce anos con moitas compañías galegas de teatro e, co paso do tempo, segundo explica o socialista Eduardo Reguera “conseguiu un público fiel que facía que o evento tivera unha das taxas de asistencia máis altas de toda Galicia no teatro, como constataban os propios artistas que pisaban o escenario do Auditorio Municipal da Xunqueira”. Critican que despois de lograr un ciclo de treatro de calidade en Redondela “o partido Popular decida non darlle continuidade dada a data na que nos atopamos”.
Temen tamén que a situación de estancamento na que se atopa o AGADIC, organismo dependente da Xunta que no pasado colaboraba activamente na contratación das obras que pasaban polo Multiusos e que actualmente carece de director e orzamento, sexa o argumento do goberno local para non realizar o Teatrarte motivo polo que os socialistas puntualizan que “aínda con este factor en contra é posible continuar con esta tradición xa tan arraigada no noso pobo”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *