Hoxe é Domingo 4 de Decembro de 2022
Stations
NOTHING FOUND!
Current listeners: 
Peak listeners: 

O Concello de Redondela quere retomar o proceso de deslinde cos municipios veciños

RR_Noticias

O alcalde redondelán, Javier Bas, reuniuse onte co secretario xeral de Montes, Tomás Fernández Couto, un encontro no que tamén participaron os concelleiros de Medio Ambiente, Miguel Ángel Álvarez, e o de Vías e Obras, Cándido Méndez. O deslinde entre municipios é unha vella reivindicación das Comunidades de Montes de Redondela, un trámite que leva paralizado varios anos.

As posibles actividades de explotación do monte e as saídas laborais que pode achegar á sociedade foron outro dos asuntos que se abordaron na xuntanza. As modificacións da Lei de Montes aprobadas o verán pasado tamén foron tratadas na reunión, xa que supoñen un paso máis na prevención de incendios ao ampliar a zona de limpeza de masa arbórea, e tamén especifica as competencias que ten cada administración. O alcalde solicitou ao secretario xeral a coordinación co Concello de campañas sobre concienciación, limpeza e prevención de incendios nos montes.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará