Hoxe é Domingo 1 de Novembro de 2020

Martes de Entroido coa ollada no ceo

RR_Noticias

Redondela vive hoxe o día máis especial do “entroido choqueiro”, co concurso de disfraces individuais, de parellas e grupos. O Concello agarda que o tempo permita gozar da festa con animación de grupos de música na rúa. A chuvia xa obrigou a aprazar o desfile de comparsas do pasado domingo, que finalmente se celebrará o próximo domingo, día 17, ás 18.00 horas.

Redondela vive hoxe o seu día grande cun Martes de Entroido que adoita ser moi participativo. Hoxe son os propios veciños os protagonistas, con grupos e “peñas” de todas as idades que saen á rúa a vivir unha xornada de festa xa desde media mañá. Segundo explicou o edil de Cultura, Alberto Pazos, o Concello encargarase de poñer música para a animación dos grupos. Haberá unha actuación especial para o público infantil, ás 17:30 horas na Praza da Constitución, a cargo do grupo infantil “Las Pamisuki”. A esa mesma hora o grupo Percusión Aperta percorrerá coa súa música as rúas da vila, dando inicio ao desfile de disfraces. Ás 18:00 horas comezará a actuación da orquestra Ismael, para festexar o Entroido “cunhas pezas de baile”. Como colofón ás celebracións do Martes de Entroido haberá unha gran festa, a partir das 20:30 horas, na que se levará a cabo a tradicional Queima do Meco. Un espectáculo que o concelleiro promete que será “diferente ós que se teñen feito ata o de agora”, con música, iluminación e con moitas “sorpresas”, e que versará sobre o cambio climático. O próximo domingo celébrase o desfile de comparsas Logo de que o mal tempo obrigase a suspender o desfile de comparsas previsto para o pasado domingo, Redondela poderá gozar desta celebración o próximo domingo, día 17, a partires das 18.00 horas. En total serán 14 as agrupacións que participen neste desfile que partirá do Campo da Feira para percorrer as principais rúas do centro da vila.  

Alberto Pazos concelleiro de Cultura
Pazos explica as actividades do Martes de Entroido.
Queima do Meco
Esta noite haberá un espectáculo con sorpresas cun Meco baseado no cambio climático.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *