Hoxe é Martes 11 de Maio de 2021

A Deputación garante axudas económicas para rexenerar o banco marisqueiro de Arcade

RR_Noticias

O compromiso foi feito polo propio presidente, Rafael Louzán, nunha xuntanza con mariscadoras de Arcade, afectadas pola mortalidade dos bancos de ameixa e berberecho no seu banco o pasado Nadal. O problema afectou tamén a outras zonas da provincia, como os lombos do Ulla ou Baiona.

A Cofradía de Arcade está composta por 91 mariscadoras das que a metade residen nas parroquias pontevedresas de Ponte Sampaio e A Canicouva. Segundo explicou o alcalde, Agustín Reguera, que acompañou ás marisqueiras na súa xuntanza con Louzán “é a principal empresa de Soutomaior, pois non hai ningunha que ocupe directamente a 50 persoas”. Nas pasadas festas de Nadal, por mor do temporal, as mariscadoras sufriron un aumento da concentración de auga doce no seu banco marisqueiro que provocou a morte dos bancos de ameixa e berberecho. A Consellería pechou a súa zona de traballo, cun paro biolóxico de 4 meses, para que se rexeneren os exemplares. Por iso as traballadoras pasan por unha delicada situación.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *