Hoxe é Sábado 15 de Maio de 2021

Os afectados polas preferentes despiden o ano con protestas

RR_Noticias

Este luns trasladarán as súas protestas á sucursal de Arcade entre as 10.00 e 12.00 da mañá. O xoves, 3 de xaneiro, concentraranse novamente nas inmediacións de NGB no concello de Soutomaior e o venres levarán as súas demandas de devolución íntegra do investido á sucursal de Cesantes no mesmo horario.

A Plataforma de Afectados polas Preferentes e Subordinadas de Redondela e Soutomaior continúa co seu calendario de protestas que hoxe os levará até Soutomaior para demandar a devolución dos cartos que investiron neste produto financeiro e pedir a mediación das forzas políticas para que fagan presión no novo ano.
Unha petición que os afectados xa lle trasladaban ao alcalde de Redondela, Javier Bas, na xuntanza que mantiveron a pasada semana e na que a Plataforma instou ao rexedor local a que interceda por eles ante o goberno da Xunta e o executivo central, tal e como se acordou no pleno da corporación de Redondela.
Onte as protestas chegaron até a Catedral de Santiago onde un grupo de afectados esixiu ás portas do templo a devolución íntegra dos seus aforros coincidindo coa tradicional cerimonia de Translación dos restos do Apóstolo, un ritual que reuniu ao Goberno galego ao completo, entre eles o Presidente da Xunta, Alberto Núñez Feijóo, o delegado do Goberno en Galicia, Samuel Juárez, e á presidenta do Parlamento, Pilar Rojo.
Este 31 de xaneiro algúns afectados de Cangas, Moaña, Gondomar e o Rosal comerán as uvas nos caixeiros automáticos da entidade, onde levan pechados máis de tres semanas, como chamamento e denuncia pública “da estafa das subordinadas e preferentes” que afecta a miles de veciños e veciñas de toda Galicia.
Hoxe a Plataforma de Afectados polas Preferentes e Subordinadas de Redondela e Soutomaior convoca protestas a partir das 10.00 da mañá en Arcade, a onde volverán o xoves e pecharán a primeira semana do ano en Cesantes ás portas da sucursal que ten NGB na parroquia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *