Hoxe é Sábado 28 de Novembro de 2020

Un curso de cociña tradicional galega inaugura o Programa Actívate en Redondela

RR_Noticias

No programa participan 30 mozos de 16 a 35 anos de idade. O obxectivo destas actividades que desenvolve a Deputación de Pontevedra é ofertar cursos formativos e educativos que axuden aos máis mozos a ampliar coñecementos e facilitarlle a inserción laboral.

A deputada provincial, Marta Iglesias, foi a encargada de inaugurar na Casa do Mar de Redondela este curso, e salientou a importancia deste tipo de iniciativas para ampliar a formación dos participantes “nun momento difícil para acceder ao mercado laboral”. Por iso animaba ós participantes a “aproveitar ben esta oportunidade” para formarse, xa que os recursos son cada vez “máis escasos”. O obxectivo deste curso, segundo apuntan dende a Concellería de Xuventude, é fomentar a conciliación e a colaboración dos máis novos nos labores do fogar, facéndoos partícipes das tarefas cotiás. As clases rematarán o próximo 20 de decembro. Ao seu remate os participantes obterán un diploma acreditativo.    

Marta Iglesias deputada provincial
A deputada anima ós alumnos a aproveitar esta oportunidade de formación.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *