Hoxe é Venres 24 de Setembro de 2021
History
Stations
NOTHING FOUND!

Falece un home tras saír da vía o seu coche en Chapela

RR_Noticias

O accidente produciuse na N-552, preto do Alto da Encarnación. Ao parecer o home, duns 80 anos, sufriu un esvaecemento e perdeu o control do turismo, que foi parar á cuneta. Cando chegaron os servizos de emerxencias o condutor xa falecera. Todo apunta que a causa da morte foi por mor dalgún problema de saúde, e non polo accidente, xa que nin o coche nin o condutor presentaban danos.

O suceso produciuse ás 8.53 horas. Un particular foi o que alertou ao servizo do 112 do sinistro, e indicou que o condutor sufrira algún tipo de desmaio e perdeu o control do coche. Cando a ambulancia medicalizada do 061 chegou ao lugar do sinistro, o home xa falecera. A vítima non portaba documentación, pero segundo os datos do vehículo, un Ford Fiesta, o coche pertence a un veciño de Pazos de Borbén. Até Chapela trasladáronse tamén Policía Local, Grumir de Redondela e efectivos da Garda Civil. Este é o segundo accidente de gravidade que se produce na N-552 esta semana. O pasado luns, a tan só uns metros de distancia, un autobús escolar e un turismo chocaron no cruce do Alto da Encarnación. Os ocupantes do coche, unha muller de 38 anos e o seu fillo de 10, permanece hospitalizados en estado moi grave desde entón.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *