Hoxe é Xoves 29 de Outubro de 2020

Lendo a Lenda pecha o ciclo de Cine e Saúde Mental coa proxección de “Inocencia Interrumpida”

RR_Noticias

O filme, baseado nunha historia real conta no seu reparto con Winona Ryder e Angelina Jolie, e relata a vida dun grupo de mozas americanas que en 1967 son recluídas nun psiquiátrico. A cita é no Multiusos da Xunqueira, o venres, ás 19.30 horas con entrada de balde.

É a terceira proxección que organiza Lendo a Lenda, logo de “Birdy”, de Alan Parker, e “Las tres caras de Eva”, de Nunnally Johnson. Jose Luis Ezama e Francisco Somoza, explican que o obxcectivo deste ciclo de cine é “achegar á sociadade a problemática das enfermedades mentais, compartir distintos puntos de vista, inquedanzas e experiencias”. Unha reflexión colectiva que utiliza o cine cunha selección de películas escollidas “pola súa temática e tamén pola súa calidade artística”. A última das proxección é o filme de James Mangold, que lle valeu a Angelina Jolie o Óscar e o Globo de Ouro como mellor actriz secundaria. Ao remata da longametraxe haberá un coloquio para que os participantes poidan facer a súa valoración e intercambiar opinións. Para a asociación cultural Lendo a Lenda este programa de cine “cumpriu cos seus obxectivos”, e agardan a participación do público na última cita, mañá venres.  

Jose Luis Ezama Lendo a Lenda
Os organizadores apostan polo cine de calidade para facer unha reflexión sobre a saúde mental.
Francisco Somoza
Desde Lendo a Lenda fan un balance positivo do ciclo de cine.
Trailer de Inocencia interrumpida
Winona Ryder e Angelina Jolie son dúas das protagonistas do filme de James Mangold.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *