Hoxe é Mércores 25 de Novembro de 2020

O vídeo “Eu falarei” do IES Chapela proclámase gañador do IV Certame Ouff Escola de Ourense

RR_Noticias

Con este premio o xurado recoñece o traballo coordinado polo Equipo de Dinamización da Lingua Galega do instituto redondelán no que participou toda a comunidade educativa e outros veciños e colectivos da parroquia. O vídeo musical é un “canto de amor” á lingua galega e o compromiso de utilizar o idioma propio para que non esmoreza.

O premio foi entregado onte no marco do Festival Internacional de Cine de Ourense, a onde viaxaron 54 persoas, alumnado e profesorado do IES de Chapela, para recoller o galardón e dedicarllo “a toda a veciñanza de Chapela” que se identificou co proxecto e “cantou orgullosa o Eu falarei”. Desde o momento no que o vídeo musical se fixo público, o pasado 25 de xuño, xerou un grande rebumbio nas redes sociais, portais e blogues, acadando máis de 30.000 visitas. O argumento do “lipdub” lévanos a un futuro imaxinario no que a lingua galega está morta, e o alumnado do IES de Chapela faina revivir. Logo toda a comunidade (alumnado, profesorado e persoal non docente) así como escolares doutros colexios de Chapela, veciños e membros dos clubs deportivos da parroquia denuncian a desaparición do galego na educación, os medios de comunicación, o ocio, etc. Todos xuntos, coa banda sonora do tema “I will survive”, de Gloria Gaynor, comprométense a defender e usar o galego co lema “Eu falarei”. Miguel Pérez Lorenzo, mestre de música e un dos artífices do traballo, salienta a “gran implicación” de toda a comunidade educativa do IES Chapela, pero tamén de outros colexios, veciños e colectivos da parroquia. Cunha participación de máis de 300 persoas, Pérez entende que se trata dun traballo “de toda Chapela”. O making-of do lipdub xa leva tamén máis de 2000 visitas. Poden velo nos enlaces http://www.youtube.com/watch?v=AerLPRrnIaA e http://www.youtube.com/watch?v=HCsm1Wv9xXw  

Miguel Pérez Lorenzo mestre do IES Chapela
O equipo docente salienta a implicación non só do instituto senón doutros colectivos e veciños da parroquia.
Eu falarei
Fragmento do vídeo musical premiado no certame de Ourense.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *