Hoxe é Martes 11 de Maio de 2021

O Fondo Galego presenta en Redondela o contacontos “Antía, Wamba e o regato pequeno”

RR_Noticias

A proposta da compañía A Tropa de Trapo chega esta tarde ó Multiusoso da Xunqueira cun espectáculo baseado en historias con música en directo e dirixido a un público familiar. A cita é ás 18.00 horas con entrada de balde.

O Fondo Galego de Cooperación e Solidariedade, que preside a concelleira redondelá Teresa París, chega a Redondela coa obra de Marta Ortiz e Brais das Hortas. O conto está protagonizada por Antía, unha nena galega, e Wamba, un mozo do Congo que se busca a vida vendendo de todo na rúa. Os contos del e as merendas dela fundiranse nunha amizade que lle aprenderá a Antía que compartir non é dar o que che sobra e que, como din na tribo de Wamba, o río énchese con regatos pequenos. O espectáculo xirará ata finais de ano por vinte Concellos socios do Fondo Galego de Cooperación. “Antía, Wamba e o regato pequeno” tómalle o relevo aos “Contos coas mas abertas”, que desde 2010 percorreron un total de 61 escenarios de 48 Administracións socias do Fondo Galego, colleitando unha excelente acollida. O novo espectáculo da Tropa de Trapo volve contemplarse no Plan de Sensibilización, cofinanciado pola Xunta de Galicia.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *