Hoxe é Martes 28 de Setembro de 2021
History
Stations
NOTHING FOUND!

O BNG reclama sancións polo uso das marquesiñas para pegar carteis das corridas de touros

RR_Noticias

Os nacionalistas denuncian que esta práctica incumpre a ordenanza municipal, que prohibe colocar carteis fóra das zonas destinadas para tal fin. Por este motivo esixen ó goberno local que faga cumprir o regulamento, no que se prevén multas de entre 750 e 1.500 euros.

As corridas de touros programadas para as Festas da Peregrina, en Pontevedra, provocaron unha vez máis a denuncia do BNG redondelán. A concelleira, Cecilia Pérez Orge, advirte que as marquesiñas das paradas de autobús de Redondela están a ser utilizadas pola empresa que organiza estes festexos para pegar os seus carteis, o que causa “deterioro no mobiliario urbano de propiedade municipal”. Este feitos levaron ó Bloque a instar ó goberno local para que faga cumprir a Ordenanza Reguladora da xestión e do tratamento de residuos sólidos urbanos, da limpeza de espazos públicos e da salubridade. A ordenanza prohibe expresamente colocar carteis fóra dos elementos colocados para tal fin. Tamén se cataloga este tipo de pegada no mobiliario urbano, como falta grave, o que pode ser obxecto dunha multa de entre 750 e 1.500 euros. No caso de reincidencia da infracción pódese chegar aos 3.000 euros. O BNG expresa tamén o seu rexeitamento frontal “ás torturas ás que son sometidos os touros na denominada festa nacional”.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *