Hoxe é Luns 20 de Setembro de 2021
History
Stations
NOTHING FOUND!

Esquerda Unida solicita que se manteñan os orzamentos para a atención aos dependentes

RR_Noticias

Os recortes do goberno central en materia de servizos sociais serán debatidos no pleno redondelán a petición de EU, a través dunha moción presentada polo grupo municipal de AER. Propoñen que as axudas da Lei de Dependencia se manteñan destinando para iso parte do orzamento das Deputacións Provinciais.

Esquerda Unida entende que a Lei de Dependencia supuxo “o maior avance en protección social en España no tres últimos lustros”, que recoñece a máis dun millón de persoas en situación de dependencia, dos que 760.000 xa son beneficiarios dunha prestación ou servizo. Denuncia que a crise está a deteriorar o sistema, coa ampliación a dous anos do prazo para resolver as axudas, o incremento das achegas dos usuarios, os descontos nas prestacións, e o feito de o Estado deixa de financiar a Seguridade Social dos coidadores familiares que afecta a 180.000 persoas, o 94% mulleres. Este motivos levan a EU a propoñer a retirada dos últimos recortes impostos á Lei de Dependencia no Real Decreto-lei 21/2012, de 13 de xullo. Instan ó Goberno Central para que non elimine as partidas para toda España, por un valor de 283 millóns de euros. Como alternativa propoñen que destine parte do orzamento das Deputacións Provinciais para asumir estes custes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *