Hoxe é Martes 28 de Setembro de 2021
History
Stations
NOTHING FOUND!

O paro baixa en xullo en Redondela en 90 persoas, pero medra case en 200 no último ano

RR_Noticias

Os datos do pasado mes deixan no noso municipio 2.838 parados, son 90 menos que no mes de xuño. Con todo a comparativa co ano 2011 é negativa, xa que hai doce meses os parados eran 2.642, un total de 196 persoas menos. A tendencia é a mesma no resto da comarca, con caídas no paro con respecto ó mes pasado, pero con máis desempregados que en xullo do ano pasado.

No caso de Soutomaior o paro descendeu en 40 persoas, cun rexistro de 889 desempregados (por 2.929 que se rexistraban en xuño). Con todo, segue a haber 81 parados máis que hai un ano, cando os demandantes de emprego eran 808. En Pazos de Borbén o paro baixou en xullo de 424 a 438 persoas (-14), pero son máis que en 2011, cando rexistraban 378 desempregados. O mesmo acontece en Fornelos de Montes, con 244 parados en xullo, 6 menos que en xuño. Os datos son tamén peores que hai un ano, cando rexistraban 235 parados.
A situación é a mesma que no conxunto de Galicia, onde o paro baixou en 9.005 persoas o pasado mes, pero medrou en 37.198 con respecto ós datos de hai un ano.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *