Hoxe é Xoves 22 de Outubro de 2020

O Concello continúa coa campaña informativa do novo plan de tráfico no casco vello

RR_Noticias

Axentes da Policía Local advirten ós condutores que circulan ou aparcan nestas rúas sobre a nova normativa, que prohibe o tráfico rodado e o aparcamento na zona. A partires do 20 de agosto procederase a sancionar ós condutores que non respecten os sinais de tráfico, que xa están colocados nas rúas do casco vello.

O obxectivo deste novo plan de tráfico é “mellorar a seguridade viaria na zona e a calidade de vida dos veciños”, segundo explica o concelleiro Arturo González. Cos cambios pretenden que as rúas do Casco Vello deixen de servir como aparcadoiro e que só os residentes poidan circular por elas. Para iso facilitarase ós residentes unha tarxeta identificativa que deben levar nos seus vehículos. Unicamente o corredor das rúas Couceiro e Loureiro manterase aberto á circulación rodada. Outra das medidas implantadas é prohibir aparcar nas beirarrúas e naqueles lugares nos que non quede un espazo libre de máis de tres metros. Para ofrecer unha alternativa aos veciños para estacionar, o Concello está a negociar cos propietarios dalgúns solares sen uso para alugar estes espazos e habilitar neles aparcadoiros destinados aos residentes do casco vello. Polo de agora, e mentres dure a campaña de información, os condutores que infrinxan a nova normativa non serán multados, tan só recibirán unha nota explicativa. Unha vez pasadas as festas do Entroido de Verán, o 20 de agosto, os axentes procederán a sancionar a aqueles que incumpran a norma. Con todo, González Barbeiro explica en que esa será “a última alternativa” que se aplicará “ós reincidentes”. Afirma o concelleiro que “non se trata dunha medida recadatoria”, senón que busca concienciar ós veciños e condutores para mellorar o tráfico e a seguridade na zona.  

Arturo González concelleiro de Tráfico
Os cambios no tráfico pretenden mellorar a seguridade
Multas para os reincidentes
Unha vez rematada a campaña informativa os axentes sancionarán ós que non respecten as normas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *