Hoxe é Sábado 28 de Novembro de 2020

A Asociación Deportiva CAR anima a atletas e afeccionados a participar na V Carreira popular

RR_Noticias

A carreira, que se desenvolverá o domingo e que ten un percorrido de seis quilómetros, espera contar coa participación de máis de 400 corredores adultos e 250 nenos. A cita deportiva memorial Juan Crespo serve para lembrar a un dos principais corredores da comarca que cando eran moi poucos os que practicaban o atletismo organizaba estes eventos deportivos para incrementar a afección.

O domingo celebrarase a quinta edición da carreira popular semiurbana Vila de Redondela, que ata o ano pasado estivera organizada pola piscina e que agora queda en mans da recen nacida Asociación Deportiva CAR (Club Atletismo Redondela). Unha entidade deportiva que segundo explica o seu presidente, Francisco Otero nace co obxectivo de animar a maiores e pequenos a practicas diferentes modalidades deportivas que non contan con tanto predicamento como o fútbol ou o balonmán. A primeira das súas actividades pasa pola organización desta carreira semiurbana que partirá ás 10:30 horas do domingo dende o concello para continuar ata Cesantes e regresar ao punto de partida. En total seis quilómetros de percorrido de dificultade baixa o que permite que calquera persoa poida participar e superar o percorrido, que os máis expertos poderán rematar en menos de 20 minutos. As inscricións están abertas ata a medianoite de mañá na páxina web www.championchipnorte.com é o custe e de 4 euros, un dos cales será cedido á Asociación Lenda. Tamén se poden realizar esas inscricións na axencia de viaxes Loa ou no Multiusos da Xunqueira.  

Francisco Oero presidente da Asociación CAR
A carreira deste ano está dedicada a Juan Crespo
Un traxecto doado
Seis kilómeros asequibles a todo os que queiran participar
Unha carreira solidaria
Un euro de cada inscrito irá a parar a Lenda

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *